- Auglýsing -

Dagskráin: Áhugaverður botnslagur nyrðra – Stjarnan mætir í Víkina

Allan Norðberg, KA, og Andri Þór Helgason, Gróttu, verða í eldlínunni með liðum sínum í KA-heimilinu í kvöld. Mynd/Egill Bjarni Friðjónsson

Elleftu umferð Olísdeildar karla í handknattleik lýkur í kvöld með tveimur leikjum. Þá verður fyrri umferð deildarkeppninnar lokið að því undanskildu að tveir frestaðir leikir standa eftir. Upphafsmerki verður gefið í báðum leikjum klukkan 18.

Víkingar, sem unnu sinn fyrsta leik á dögunum, fá Stjörnuna í heimsókn í Víkina.


Grótta sækir KA heim. KA-menn verða með nýjan mann í brúnni, Heimir Örn Árnason. Hann kom inn í þjálfaratreymi liðsins um miðja vikuna og er ætlað að taka þátt í að snúa gengi liðsins til betri vegar. Gróttumenn mæta á hinn bóginn fullir sjálfstausts eftir tvo sigurleiki í röð, á Víkingi og ÍBV.

Grótta og KA eru í níunda og tíunda sæti Olísdeildar og aðeins skilur eitt stig þau að, Gróttumönnum í hag. Einnig á Grótta leik til góða. Ljóst er að úrslit leiksins í KA-heimilinu munu skipta miklu máli í botnbaráttunni.
Til viðbótar fara einnig fram leikir í Grill66-deildum karla og kvenna.

Athyglisverðasti leikurinn á þeim vettvangi verður viðureign Selfoss og Víkings í Grill66-deild kvenna í kvöld. Liðin mætast í Sethöllinni á Selfossi.


Olísdeild karla:
Víkin: Víkingur – Stjarnan, kl. 18 – sýndur á Stöð2Sport.
KA-heimilið: KA – Grótta, kl. 18 – sýndur á KAtv.

Stöðuna og næstu leiki í Olísdeild karla má sjá hér.


Grill66-deild karla:
Sethöllin: Selfoss U. – Þór Ak, kl. 16.
Ásvellir: Haukar U – Berserkir, kl. 17.

Stöðuna og næstu leiki í Grill66-deild karla má sjá hér.


Grill66-deild kvenna:
Kórinn: HK U – Fram U, kl. 13.
Sethöllin: Selfoss – Víkingur, kl. 18.15.

Stöðuna og næstu leiki í Grill66-deild kvenna má sjá hér.

- Auglýsing -
- Auglýsing -

Nýjustu fréttir

- Auglýsing -