Í kvöld er röðin komin að leikjum átta liða úrslita í Coca Cola-bikarnum í handknattleik kvenna. Fjórar viðureignir þar sem skorið verður úr um hvaða lið mætast í undanúrslitum keppninnnar miðvikudaginn 29. september í Schenkerhöllinni á Ásvöllum. Með leikjunum lýkur í bili bikarveislunni sem staðið hefur yfir síðustu daga.
Að loknum leikjum kvöldsins verður dregið til undanúrslita í kvenna og karlaflokki. Eftir því sem næst verður komið verður dregið í beinni útsending RÚV.
Coca Cola-bikar kvenna, átta liða úrslit í kvöld:
Schenkerhöllin: Haukar – Fram, kl.19.30 – sýndur á Haukar tv.
Víkin: Víkingur – FH , kl. 19.30 – sýndur á Víkingurtv.
TM-höllin: Stjarnan – KA/Þór, kl. 20 – sýndur á RÚV2.
Vestmannaeyjar: ÍBV – Valur, kl. 20 – sýndur á ruv.is.
Til stóð að leikur ÍBV og Vals færi fram kl. 18 en vegna þess að Herjólfur siglir frá Þorlákshöfn í dag hefur leiknum verið seinkað til kl. 20. Af þeim sökum hefur útsending frá viðureigninni verið flutt af RÚV2 yfir á ruv.is.
Fram er ríkjandi bikarmeistari í handknattleik kvenna.
