Nítjándu umferð Olísdeildar kvenna í handknattleik lýkur í dag þegar Haukar sækja Valsara heim í Origohöllina klukkan 16.30. Valsarar misstu annað sæti deildarinnar í gær í hendur KA/Þórs og vilja leikmenn ugglaust endurheimta sætið til baka. Haukar féllu niður í fimmta sæti deildarinnar í gær þegar ÍBV lagði Stjörnuna í Eyjum. Aðeins skilur eitt stig að ÍBV og Hauka. Sömu sögu má segja af KA/Þór og Val.
Efstu tvö lið Olísdeildar kvenna sitja yfir í fyrstu umferð úrslitakeppninnar sem hefst eftir landsleikjatörn undir lok þessa mánaðar.
Að öðru leyti er þetta dagur Grill66-deildanna. Fjórar viðureignir verða í hvorri deild í næst síðustu umferð.
Efsta lið Grill66-deildar kvenna, Selfoss, tekur á móti ungmennaliði Fram í Set-höllinni klukkan 14.
Meðal leikja í Grill66-deild karla er viðureign Harðar og Fjölnis í íþróttahúsinu á Torfnesi á Ísafirði klukkan 18.30. Hörður stendur best að vígi af liðunum fjórum sem keppast um efsta sæti deildinnar. Fjölnir vann fyrri viðureign liðanna í Grill66-deildinni í Dalhúsum fyrr á tímabilinu. Stálin stinn mætast þar af leiðandi á Torfnesi í kvöld.
Olísdeild kvenna:
Origohöllin: Valur – Haukar, kl. 16.30 – sýndur á Stöð2sport.
Stöðu og næstu leiki í Olísdeild kvenna er að finna hér.
Grill66-deild kvenna:
Vestmannaeyjar: ÍBV U – Fjölnir/Fylkir, kl. 14.
Hertzhöllin: Grótta – Stjarnan U, kl. 14 – sýndur á Gróttatv.
Kórinn: HK U – Valur U, kl. 14.
Sethöllin: Selfoss – Fram U, kl. 14.
Stöðu og næstu leiki í Grill66-deild kvenna er að finna hér.
Grill66-deild karla:
Origohöllin: Valur U – Þór Ak, kl. 14.30.
Ásvellir: Haukar U – Afturelding U, kl. 16 – sýndur á Haukartv.
Ísafjörður: Hörður – Fjölnir, kl. 18.30.
Set-höllin: Selfoss U – Vængir Júpíters, kl. 19.30.
Stöðu og næstu leiki í Grill66-deild karla er að finna hér.
