Dagskráin: Dregur til tíðinda í bikarnum

Mynd/Múmmi Lú

Áfram verður leikið í átta liða úrslitum Coca Cola-bikar kvenna og karla í handknattleik í dag. Fjórir æsispennandi leikir eru á dagskrá. Sigurliðin í leikjum dagsins leika í undanúrslitum keppninnar miðvikudaginn 9. og fimmtudaginn 10. mars á Ásvöllum í Hafnarfirði.


Eyjamenn fylgjast nú sem fyrr vel með veðurspá og þess vegna komu leikmenn ÍBV frá Eyjum í gær og eru klárir í Suðurlandsslaginn í Set-höllinni á Selfossi klukkan 16 í dag.

Uppfært kl. 12.00:
Tilkynning var að berast frá HSÍ um að viðureign KA/Þórs og HK hafi verið seinkað til kl. 19.30 vegna færðar og veðurs.


Bikarmeistarar karla, Valur, er þegar komnir í undanúrslit í karlaflokki. Valur vann Víking í gær í hörkuleik í Origohöllinni.


Coca Cola-bikar kvenna, 8-liða úrslit:
Austurberg: ÍR – Fram, kl. 16.
KA-heimilið: KA/Þór – HK, kl. 19.30 – sýndur á RÚV2.

Coca Cola-bikar karla, 8-liða úrslit:
KA-heimilið: KA – Haukar, kl. 16 – sýndur á RÚV2.
Set-höllin: Selfoss – ÍBV, kl. 16 – sýndur á RÚV.

- Auglýsing -

Nýjustu fréttir

- Auglýsing -