Dagskráin: Endasprettur fyrir jólafrí – toppslagur í Dalhúsum

Anna Þyrí Halldórsdóttir, og leikmenn KA/Þórs sækja Hauka heim á Ásvelli í dag. Mynd/Egill Bjarni Friðjónsson

Tveir síðustu leikir Olísdeildar kvenna fyrir jóla- og nýársleyfi frá kappleikjum fara fram í dag. HK fær Fram í heimsókn í Kórinn og Íslands- og bikarmeistarar KA/Þórs bregða undir sig betri fætinum einu sinni sem oftar og leggja land undir fót. Liðið mætir til leiks á Ásvöllum klukkan 15.30 og spreytir sig gegn Haukum.


Viðureign Vals og ÍBV var frestað vegna þátttöku Mariju Jovanovic, leikmanns ÍBV, með serbneska landsliðinu á heimsmeistaramótinu í handknattleik sem fram fer á Spáni þessa dagana.

Tíunda umferð Olísdeildar kvenna hófst í gærkvöld með viðureign Stjörnunnar og Aftureldingar.

Þrír leikir verða á dagskrá í Grill66-deild karla. Ber þar væntanlega hæst viðureign Fjölnis og Harðar í Dalhúsum klukkan 14.


Olísdeild kvenna:
Kórinn: HK – Fram, kl. 13.30 – sýndur á HKtv.
Ásvellir: Haukar – KA/Þór, kl. 15.30 – sýndur á Stöð2Sport.

Stöðuna í Olísdeild kvenna má sjá hér.


Grill66-deild karla:
Dalhús: Fjölnir – Hörður, kl. 14.
Höllin, Ak.: Þór Akureyri – Valur U., kl. 15.
Varmá: Afturelding U – Haukar U, kl. 16.

Stöðuna í Grill66-deild karla má sjá hér.

- Auglýsing -

Nýjustu fréttir

- Auglýsing -