Dagskráin: Fer Valur í annað sæti? – U18 ára í Belgrad

Mynd/Egill Bjarni Friðjónsson

Síðasti leikur 9. umferðar Olísdeildar karla í handknattleik fer fram í kvöld. Afturelding sækir Val heim í Origohöllina. Með sigri fara Valsmenn upp í annað sæti deildarinnar og verða stigi á undan FH sem lagði Fram í gær. Afturelding er sem stendur í sjötta sæti með 10 stig og takist Mosfellingum að krækja í stigin tvö fara þeir upp að hlið Valsara, Stjörnunnar og ÍBV.


Í dag hefst í Belgrad í Serbíu undankeppni Evrópumótsins hjá landsliði kvenna skipað leikmönnum 18 ára og yngri. Íslenska liðið kom til Belgrad seint á laugardaginn og er klárt í slaginn við Slóvena í dag. Á morgun verður leikið við Slóvaka og við lið Serbíu á fimmtudaginn. Eitt lið fer áfram í lokakeppni A-keppni Evrópumótsins.


Olísdeild karla:
Origohöllin: Valur – Afturelding, kl. 19 – sýndur á Stöð2Sport.
Stöðuna og næstu leiki í Olísdeild karla má sjá hér.

Undankeppni EM U18 ára landsliða kvenna:
Belgrad: Ísland – Slóvenía, kl. 14.30 – sýndur á ehftv.com.
– einnig verður handbolti.is með stöðu- og textauppfærslu frá leiknum.

- Auglýsing -

Nýjustu fréttir

- Auglýsing -