- Auglýsing -
Fimm leikir verða í kvöld í 16-liða úrslitum Coca Cola-bikarkeppni karla í handknattleik. Víst er a.m.k. þrjú lið úr Olísdeild karla heltast úr lestinni að loknum viðureignum kvöldsins.
Fyrsti leikurinn hefst klukkan 18 og verður á milli Stjörnunnar og KA. Liðin leiddu saman hesta sína í hörkuleik í KA-heimilinu á sunnudaginn. Stjörnumenn eiga harma eftir þá viðureign sem þeir töpuðu með minnsta mun, 25:24. Eftir leikinn í TM-höllinni rekur hver viðureignin aðra þar til að efsta lið Grill66-deildar karla, ÍR, tekur á móti Selfossi í Austurbergi þegar klukkan verður gengin stundarfjórðung í níu í kvöld.
Coca Cola-bikar karla, 16-liða úrslit:
TM-höllin: Stjarnan – KA, kl. 18 – sýndur á RÚV.
Origohöllin: Valur – HK, kl. 19 – beint á HKtv.
Víkin: Vængir Júpíters – Víkingur, kl. 19.30 – beint á Víkingurtv.
Hertzhöllin: Grótta – Haukar, kl. 20 – sýndur á RÚV.
Austurberg: ÍR – Selfoss, kl. 20.15 – beint á ÍRtv.
Handbolti.is ætlar að freista þess að fylgjast með leikjum kvöldsins.
- Auglýsing -
