- Auglýsing -
Úrslitaviku Coca Cola-bikarsins í handknattleik lýkur á Ásvöllum í Hafnarfirði í dag með úrslitaleikjum í 4. aldursflokki pilta og stúlkna. Flautað verður til fyrsta leiks klukkan 12. Þrír hörkuleikir eru framundan þar sem framtíðar handknattleiksfólk verður í eldlínunni.
Fjöldi áhorfenda lagði leið sína á Ásvelli á föstudaginn þegar leikið var til úrslita í 3. aldursflokki og var góð stemning á leikjunum. Reikna má með góðri aðsókn í dag enda er fjöldi Akureyringa ennþá á höfuðborgarsvæðinu eftir úrslitaleikinn í meistaraflokki karla í gær. KA og KA/Þór eiga lið í öllum úrslitaleikjunum í dag.
Til viðbótar verður einn leikur í Grill66-deild karla í Dalhúsum í Grafarvogi þegar á daginn líður. Aðrir safna kröftum fyrir lokasprettinn í deildarkeppninni sem framundan er.
Coca Cola-bikar, yngri flokka
4.flokkur karla, yngra ár:
Ásvellir: KA – Haukar, kl. 12.
4.flokkur kvenna:
Ásvellir: ÍBV – KA/Þór, kl. 14.
4.flokkur karla, eldra ár:
Ásvellir: KA – Afturelding, kl. 16.
Grill66-deild karla:
Dalhús: Vængir Júpíters – Haukar U, kl. 16.30.
Stöðu og næstu leiki í Grill66-deild karla má finna hér.
- Auglýsing -
