Dagskráin: Grótta til Eyja og leikið að nýju í Garðabæ

Mynd/Eyjólfur Garðarsson

Tveir leikir verða á dagskrá í Grill66-deild kvenna í handknattleik en keppni í deildinni hófst fyrir síðustu helgi og nú komin á fullan skrið eftir jólaleyfi. Grótta sækir ungmennalið ÍBV heim í kvöld. Grótta ætlar að freista þess að komast í baráttuna um keppni um sæti í umspili í vor.

Hinn leikur kvöldsins verður á milli ungmennaliðs Stjörnunnar og Selfoss. Fyrri viðureign liðanna í TM-höllinni í nóvember var strikuð út eftir að dómur féll þess efnis að framkvæmd leiksins var ábótavant. Takist Selfoss að vinna leikinn í kvöld fer liðið upp að hlið ÍR sem situr um þessar mundir í efsta sæti Grill66-deildar kvenna.

Grill66-deild kvenna:
Vestmannaeyjar: ÍBV U – Grótta, kl. 18.
TM-höllin: Stjarnan U – Selfoss, kl. 20.30.

Stöðuna og næstu leiki í Grill66-deild kvenna má sjá hér.


UMSK-mót karla:
Kórinn: HK – Grótta, kl. 18.30.

- Auglýsing -

Nýjustu fréttir

- Auglýsing -