Einn leikur er á dagskrá í Grill 66-deild karla í handknattleik í dag og er það eina viðureignin sem er á dagskrá í tveimur efstu deildum karla og kvenna á Íslandsmótinu í dag. Leikmenn Harðar á Ísafirði koma í bæinn og mæta til leiks í Origohöll Valsmanna við Hlíðarenda og leika gegn ungmennaliði Vals. Flautað verður til leiks klukkan 16. Eftir því sem næst verður komist stendur ekki til að streyma frá leiknum, alltént er þess ekki getið á heimasíðu HSÍ.


Grill 66-deild karla:
Origohöllin: Valur U – Hörður, kl. 16
Staðan í Grill 66-deild karla.

Til viðbótar verður handbolti.is með beint streymi frá landsleik Íslands og Grikklands í forkeppni heimsmeistaramóts kvenna í handknattleik. Leikurinn fer fram í Skopje klukkan 18 og verður streymið kynnt betur þegar nær dregur leiknum.

- Auglýsing -

Nýjustu fréttir

- Auglýsing -