Dagskráin: Hörkuleikir í Hafnarfirði og á Seltjarnarnesi

Fanney Þóra Þórsdóttir og samherjar í FH fá HK í heimsókn í Krikann í kvöld. Mynd/J.L.Long

Tveir leikir verða á dagskrá í Grill66-deild kvenna í handknattleik í kvöld, annarsvegar í Hafnarfirði og hinsvegar á Seltjarnarnesi.


FH, sem situr í efsta sæti með sjö stig eins og ÍR, tekur á móti ungmennaliði HK í Kaplakrika klukkan 19.30. Leikurinn er hluti af sjöttu umferð deildarinnar sem hófst á miðvikudaginn með sigri Víkinga á ungmennaliði Fram.


Í Hertzhöllinni í leiða Grótta og Fjölnir/Fylkir saman hesta sína klukkan 19.30. Þar verður um að ræða leik sem skráður er í 17. umferð deildarinnar sem að öðru leyti fer fram í febrúar á næsta ári.

Leikir kvöldsins

Grill66-deild kvenna:
Kaplakriki: FH – HK U, kl. 19.30.
Hertzhöllin: Grótta – Fjölnir/Fylkir, kl. 19.30.

Stöðuna og næstu leiki í Grill66-deild kvenna má sjá hér.


Til viðbótar má leikur U18 ára landslið karla við Króata í annarri umferð á fjögurra liða móti í París klukkan 17 í dag. Eins mætast U20 ára landslið Íslands og Danmerkur í fyrra skiptið í vináttulandsleik á Sjálandi kl. 18. Ekki hafa borist fregnir um að leiknum verði streymt. Síðari leikurinn fer fram á morgun.


Hægt verður að fylgjast með streymi frá viðureign Íslands og Króatíu á Parísarmótinu á neðangreindri slóð.

https://www.youtube.com/c/TIBYHandball/featured

- Auglýsing -

Nýjustu fréttir

- Auglýsing -