- Auglýsing -
Ekkert er slakað á úrslitakeppninni í handknattleik þessa daga. Frekar herða liðin sem eftir eru róðurinn en hitt. Eftir háspennu í Origohöllinni í gærkvöldi í þriðju viðureign Vals og ÍBV í úrslitum Olísdeildar karla færist vettvangur úrslitakeppninnar yfir í Framhúsið í kvöld.
Fram og Valur mætast í kvöld í þriðja sinn í úrslitum Olísdeildar kvenna. Viðureignir liðanna til þessa hafa verið hnífjafnar og fyrir vikið æsispennandi. Hvort lið hefur einn vinning eftir eins marks sigur í fyrstu viðureignum.
Fram vann fyrsta leikinn á föstudaginn með eins marks mun, 28:27, eftir að hafa verið sterkara liðið í leiknum. Valur svaraði fyrir sig á heimavelli á mánudaginn og vann með einu marki, 27:26. Ef að að líkum lætur ráðast úrslitin í leiknum í kvöld ekki fyrr en á elleftu stundu.
Fjórða viðureign liðanna verður á heimavelli Vals á sunnudagskvöld.
Olísdeild kvenna, þriðji úrslitaleikur um Íslandsmeistaratitilinn:
Framhús: Fram – Valur (1:1), kl. 19.30 – sýndur á Stöð2sport.
- Auglýsing -
