Næst síðsta umferð Olísdeildar karla verður leikin í dag og hefjast allir leikir klukkan 16. Ljóst er hvaða sjö lið taka þátt í átta liða úrslitakeppninni sem tekur við þegar deildarkeppnin verður á enda á fimmtudaginn. Slagurinn um áttunda og síðasta sætið stendur enn á milli Aftureldingar og Fram sem sitja nú í áttunda og níunda sæti.
Fram verður að vinna tvo síðustu leiki sína til þess að ná áttunda sæti. Á sama tíma þarf Aftureldingarliðið að tapa tveimur síðustu leikjum sínum. Fram fær liðsmenn Gróttu í heimsókn í dag á sama tíma og Afturelding sækir ÍBV heim til Vestmannaeyja.
Einnig er allt opið í hvaða sæti liðin raðast að því undanskildu að Haukar eru öruggir um efsta sætið og deildarmeistaratitilinn. Haukar mæta þar af leiðandi liðinu sem hafnar í áttunda sæti í átta liða úrslitum.
Leikir dagsins, Olísdeild karla – næst síðasta umferð:
Framhús: Fram – Grótta, kl. 16 – sýndur á Framtv.
Hleðsluhöllin: Selfoss – Haukar, kl. 16 – sýndur á Stöð2Sport.
TM-höllin: Stjarnan – Þór, kl. 16 – sýndur á 210tv.
Austurberg: ÍR – FH, kl. 16 – sýndur á ÍRtv.
Vestmannaeyjar: ÍBV – Afturelding, kl. 16 – sýndur á ÍBVtv.
Origohöllin: Valur – KA, kl. 16 – sýndur á Stöð2Sport.
Staðan í Olísdeildinni.
Lokaumferðin fimmtudaginn 27. maí kl. 19.30:
Stjarnan – Fram.
Afturelding – Valur.
KA – Þór.
FH – ÍBV.
Haukar – ÍR.
Grótta – Selfoss.
