Dagskráin: Kemst í ÍBV í kjörstöðu eða jafna Haukar metin?

Stuðningsmannasveit ÍBV mun verða fjölmenn í Origohöllinni á fimmtudaginn. Mynd/J.L.Long

Önnur viðureign ÍBV og Hauka í undanúrslitum Olísdeildar karla í handknattleik fer fram í Vestmannaeyjum í kvöld. Flautað verður til leiks klukkan 18.


ÍBV-liðið gerði sér lítið fyrir og vann fyrstu viðureign liðanna sem fram fór á Ásvöllum á sunudaginn með fimm marka mun, 35:30, eftir að hafa verið marki undir í hálfleik, 15:14. Eyjamenn fóru á kostum síðustu ríflega 20 mínútur leiksins, hreinlega yfirspiluðu Hauka á köflum. Leikmenn Hauka ætla ekki að láta það endurtaka sig enda verður staða þeirra orðinn afar erfið ef þeir tapa í kvöld.


Þriðja viðureign liðanna verður á Ásvöllum á laugardaginn og hefst klukkan 18.


Oft hefur andað köldu á milli liðanna inni á leikvellinum og leikmenn liðanna margra hildi háð í gegnum tíðina, ekki síst síðasta áratuginn. Vísir rifjar upp í morgun þegar grunnt var á því góða í rimmu vorið 2019.


Olísdeild karla, undanúrslit, annar leikur:
Vestmannaeyjar: ÍBV – Haukar (1:0), kl. 18 – sýndur á Stöð2Sport.

Leikjadagskrá úrslitakeppni Olísdeildar karla er að finna hér.

- Auglýsing -

Nýjustu fréttir

- Auglýsing -