- Auglýsing -
Einn leikur fer fram í kvöld í umspili um sæti í Olísdeild karla í handknattleik þegar ÍR-ingar sækja Kórdrengi heim í annarri umferð undanúrslita. Leikið verður í Kórnum og verður hafist handa klukkan 18.
ÍR hefur einn vinning og vinni liðið leikinn í kvöld er það komið áfram í úrslitaeinvígi um keppnisrétt í Olísdeild á næsta keppnistímabili. Takist Kórdrengjum að vinna kemur til oddaleiks á þriðjudagskvöld í Austurbergi.
Fyrsti leikur ÍR og Kórdrengja, sem fram fór í fyrrakvöld, var hörkuspennandi. Þurfti að grípa til framlengingar til að knýja fram úrslit. Staðan var jöfn eftir venjulegan leiktíma en ÍR vann með þriggja marka mun í framlengingu, 37:34.
Þór Akureyri og Fjölnir eigast við hinni rimmu undanúrslitanna. Liðin mætast öðru sinni á Akureyri á morgun.
Umspil Olísdeildar karla, undanúrsit, 2. leikur:
Kórinn: Kórdrengir – ÍR, kl. 18 (0:1).
Leikjadagskrá umpsilsins er að finna hér.
- Auglýsing -
