Sigvaldi Björn Guðjónsson, Elvar Örn Jónsson, Gunnar Steinn Jónsson, Viggó Kristjánsson, Teitur Örn Einarsson og Oddur Gretarsson verða í eldlínunni með íslenska landsliðinu í dag í lokaleik undankeppni EM. Mynd/HSÍ

Íslenska landsliðið í handknattleik leikur lokaleik sinn í 4. riðli undankeppni Evrópumótsins í handknattleik karla í dag þegar það mætir ísraelska landsliðinu í Schenkerhöllinni á Ásvöllum í Hafnarfirði. Flautað verður til leiks klukkan 16. Íslenska landsliðið er með öruggt sæti í lokakeppni EM sem fram fer í Ungverjalandi og Slóvakíu í janúar á næsta ári.

Áhorfendur verður ekki heimilaður aðgangur að landsleiknum í Schenkerhöllinni en hægt verður að fylgjast með beinni útsendingu hjá RÚV. Einnig verður handbolti.is með textalýsingu og stöðuuppfærslu frá viðureigninni.

Guðmundur Helgi Pálsson og leikmenn Aftureldingar sækja Fjölni-Fylki heim í dag í næst síðustu umferð Grill 66-deildar kvenna. Mynd/Raggi Óla

Áður en landsleikurinn hefst í Schenkerhöllinni þá fer fram heil umferð í Grill 66-deild kvenna. Er það næst síðasta umferð deildarinnar.

Grill 66-deild kvenna:
Kórinn: HK U – ÍR, kl. 13.30 – sýndur á HKtv.
Fylkishöll: Fjölnir-Fylkir – Afturelding, kl. 13.30.
Hleðsluhöllin: Selfoss – Valur U, kl. 13.30 – sýndur á Selfosstv.
Víkin: Víkingur – Grótta, kl. 13.30 – sýndur á Víkingurtv.

Staðan í Grill 66-deild kvenna.

- Auglýsing -

Nýjustu fréttir

- Auglýsing -