Dagskráin: Lokaumferð hjá konunum – Víkingar í Dalhús

Afturelding fagnaði sæti í Olísdeild kvenna á næstu leiktíð með sigri á Fjölni-Fylki á síðasta sunnudag. Mynd/Raggi Óla

Nóg verður um að vera í handknattleik hér innanlands í kvöld. Lokaumferð Grill 66-deildar kvenna fer fram með fjórum leikjum auk þess sem þráðurinn verður tekinn upp í 16. og þriðju síðustu umferð Grill 66-deildar karla þar sem Víkingar freista þess að sækja sigur gegn Vængjum Júpiters í Dalhúsum. Víkingar eru tveimur stigum á eftir HK sem vann sinn leik í gær. HK og Víkingur berjast um efsta sæti deildarinnar.

Afturelding hefur þegar tryggt sér sæti í Olísdeild kvenna á næstu leiktíð . Mosfellingar fá leikmenn Víkings í heimsókn í kvöld að Varmá og vilja vafalaust ljúka keppnistímabilinu á viðeigandi nótum.

Ljóst er að Grótta og ÍR og annað hvort Víkingur eða Fjölnir-Fylkir taka þátt í umspili Grill 66-deildar kvenna. Eftir leikina í kvöld verður ljóst hvort það verður Víkingur eða Fjölnir-Fylkir sem mætir Olísdeildarliði HK í umspilinu. Í hinni viðureign umspilsins eigast við Grótta og ÍR.

Grill 66-deild kvenna – lokaumferð:
Austurberg: ÍR – Selfoss, kl. 19.30.
Framhús: Fram U – HK U, kl. 19.30.
Origohöllin: Valur U – Fjölnir-Fylkir, kl. 19.30.
Varmá: Afturelding – Víkingur, kl. 19.30 – sýndur á Aftureldingtv.
Staðan í Grill 66-deild kvenna.


Grill 66-deild karla:
Torfnes: Hörður – Selfoss U, kl.19 – sýnt á youtubesíðu Viðburðastofu Vestfjarða.
Dalhús: Vængir Júpiters – Víkingur, kl.19.30 – sýndur á Vængir Júpitertv.
Hertzhöllin: Kría – Fjölnir, kl. 20.
Staðan í Grill 66-deild karla.

- Auglýsing -

Nýjustu fréttir

- Auglýsing -