Góðar vonir eru um að loksins verði hægt að hefja keppni í Olísdeild karla í kvöld en til stendur að Valur og Víkingur mætist í Origohöllinni á Hlíðarenda klukkan 18. Til stóð að flautað yrði til leiks á síðasta mánudag. Það fór á annan veg. Síðan hefur hverjum leiknum af öðrum verið frestað, síðast viðureign Aftureldingar og Selfoss sem átti einnig að fara fram í dag.
Eftir því sem næst verður komist eru leikmenn Vals og Víkings tilbúnir að taka upp þráðinn en síðast var leikið í Olísdeild karla 17. desember.
Til viðbótar við leikinn í Olísdeild karla eru tvær viðureignir á dagskrá í Grill66-deild karla og kvenna síðdegis og í kvöld.
Olísdeild karla:
Origohöllin: Valur – Víkingur, kl. 18 – sýndur á Valurtv.
Stöðu og næstu leiki í Olísdeild karla má sjá hér.
Grill66-deild kvenna:
TM-höllin: Stjarnan U – Fram U, kl. 16.
Stöðu og næstu leik í Grill66-deild kvenna má sjá hér.
Grill66-deild karla:
Digranes: Kórdrengir – Selfoss U, kl. 19.
Stöðu og næstu leiki í Grill66-deild karla má sjá hér.