Keppni hefst í Olísdeild karla í handknattleik í kvöld með þremur leikjum, í Kórnum, Víkinni og í Hertzhöllinni á Seltjarnarnesi. Áfram verður leikið í deildinni annað kvöld og á laugardaginn. Flautað verður til leiks í Olísdeild kvenna á laugardaginn og í Grill66-deild kvenna annað kvöld. Vika líður héðan í frá þangað til leikmenn liðanna í Grill66-deild karla byrja að reyna mér sér.
Nýliðar Olísdeildar karla, HK og Víkingur, ríða á vaðið í kvöld. Kópavogsliðið tekur á móti KA og Víkingar fá Eyjamenn í heimsókn. Íslandsmeistarar Vals sækja Gróttumenn heim í þriðja leik umferðarinnar klukkan 19.30.
Olísdeild karla:
Kórinn: HK – KA, kl. 18 – sýndur á Stöð2Sport.
Víkin: Víkingur – ÍBV, kl. 18 – sýndur á Víkingurtv.
Hertzhöllin: Grótta – Valur, kl. 19.30.
