- Auglýsing -
Síðari undanúrslitaleikir Olísdeildar karla í handknattleik fara fram í kvöld. Að þeim loknum liggur fyrir hvaða lið leika til úrslita um Íslandsmeistaratitilinn á þriðjudaginn og á næsta föstudag. Leikið verður á heimavelli Hauka og Vals. Fyrri viðureignin hefst klukkan 18 í Schenkerhöllinni á Ásvöllum og síðari tveimur stundum síðar í Origohöll Valsara á Hlíðarenda.
Haukar og Valur standa betur að vígi eftir fyrri viðureignirnar við Stjörnuna og ÍBV sem fram fóru á síðasta þriðjudag.
Schenkerhöllin: Haukar – Stjarnan (28:23), kl. 18 – sýndur á Stöð 2 Sport.
Origohöllin: Valur – ÍBV (28:25), kl. 20 – sýndur á Stöð 2 Sport.
- Auglýsing -
