Dagskráin: Selfoss fær FH í heimsókn – Evrópuleikur

Ísak Rafnsson og félagar í FH mæta SKA Minsk í Evrópubikarnum í Krikanum á laugardaginn. Mynd/J.L.Long

Einn leikur er á dagskrá í Olísdeild karla í handknattleik í kvöld. FH-ingar sækja liðsmenn Selfoss heim í Set-höllina á Selfossi. Flautað verður til leiks klukkan 19.30. Viðureignin er lokaleikur í fyrstu umferðar deildarinnar. Honum var frestað vegna þátttöku Selfossliðsins í Evrópubikarkeppninni sömu helgi og keppni í Olísdeild hófst.


Selfoss tapaði fyrir Fram í fyrsta leik sínum í Olísdeildinni í síðustu viku, 29:23. Sama kvöld lögðu FH-ingar liðsmenn Gróttu, 25:22, í Kaplakrika.


Leikur kvöldsins – Olísdeild karla:
Set-höllin: Selfoss – FH, kl. 19.30 – sýndur á Stöð2Sport.


Auk þess þá mætast ungmennalið ÍBV og Selfoss2 í 2. deild karla í Vestmannaeyjum klukkan 17.15.


Síðast en ekki síst leiða Valsmenn og Lemgo saman hesta sína öðru sinni í annarri umferð Evrópudeildarinnar í handknattleik karla í kvöld. Leikurinn fer fram ytra og hefst klukkan 18.45. Eftir því sem næst verður komist verður leiknum ekki sjónvarpað.

- Auglýsing -

Nýjustu fréttir

- Auglýsing -