Dagskráin: Snýr Selfoss við taflinu? – Umspil karla og kvenna

Goði Ingvar Sveinsson og félagar í Fjölni verða að vinna ÍR í dag til þess að halda lífi í umspilinu um sæti í Olísdeildinni. Mynd/Þorgils G - Fjölnir handbolti

Með sigri á heimavelli í kvöld tryggir Valur sér sæti í úrslitum Olísdeildar karla í handknattleik. Eftir tvo sigurleiki í undanúrslitarimmunni við Selfoss þarf Valur aðeins einn sigur í viðbót til þess að ná markmiði sínu í þessum hluta mótsins.

Selfossliðið verður að leggja allt í sölurnar til þess að eiga þess kost að knýja fram fjórðu viðureignina á heimavelli á miðvikudagskvöld. Flautað verður til leiks í Origohöll Valsara klukkan 19.30 í kvöld.


Áfram heldur umspil um sæti í Olísdeild karla í dag. Vettvangur rimmu Fjölnis og ÍR flyst yfir í Dalhús í Grafarvogi þar sem ÍR-liðið með sigri innsiglar sæti í Olísdeild karla á næstu leiktíð. Takist Fjölnismönnum að vinna, líkt og þeir gerðu á heimavelli á mánudaginnn, kemur til oddaleiks í Austurbergi á miðvikudagskvöld.


Lið HK og ÍR hefja kapphlaup sitt um sæti í Olísdeild kvenna í kvöld þegar liðin mætast í Kórnum klukkan 20. Vinna þarf þrjá leiki til þess að öðlast þátttökurétt í Olísdeild á næsta keppnistímabili.


Olísdeild karla, undanúrslit, þriðji leikur:
Origohöllin: Valur – Selfoss (2:0), kl. 19.30 – sýndur á Stöð2sport.


Umspil Olísdeildar karla, fjórði úrslitaleikur:
Dalhús: Fjölnir – ÍR (1:2), kl. 16 – sýndur á Fjölnirtv.


Umspil Olísdeildar kvenna, fyrsti úrslitaleikur:
Kórinn: HK – ÍR, kl. 20 – sýndur á HKtv.

- Auglýsing -

Nýjustu fréttir

- Auglýsing -