Dagskráin: Steinunn mætir til leiks – Stjarnan fer til Eyja – Suðurlandsslagur

Stefán Arnarson, þjálfari Fram, og leikmenn unnu stórsigur í kvöld. Mynd/Egill Bjarni Friðjónsson

Leikmenn liðanna í Olísdeildum kvenna og karla slá ekki slöku við í dag. Þrír leikir verða háðir í nítjándu og þriðju síðustu umferð Olísdeildar kvenna. Auk þess lýkur 20. umferð Olísdeildar karla með tveimur leikjum. Fjórar viðureignir fóru fram í gærkvöld í deildinni.


Talsverð spenna er í toppbaráttu Olísdeildar kvenna þar sem aðeins tveimur stigum munar á efsta liðinu, Fram, og KA/Þór sem er í þriðja sæti. Framarar sækja Aftureldingu heim í dag. Boðað er að Steinunn Björnsdóttir mæti til leiks með Fram í Mosfellsbæ en rétt rúmt ár er liðið síðan krossband í öðru hné hennar slitnaði í landsleik.


ÍBV fær Stjörnuna í heimsókn. Leikmenn beggja liða horfa löngunaraugum til fjórða sætis deildarinnar sem gefur heimaleikjarétt í fyrstu umferð úrslitakeppninnar. HK sækir KA/Þór heim en síðarnefndaliðið hefur verið á talsverðu skriði upp á síðkastið og virðist óárennilegt.


Suðurlandsslagur hefst á Selfossi klukkan 16 þegar leikmenn ÍBV sækja Selfyssinga heim. Klukkan 18.30 hefja Fram og FH leik en bæði lið hafa valdið vonbrigðum í allra síðustu leikjum sínum. Þar með lýkur 20. umferð Olísdeildar karla.


Olísdeild kvenna:
Vestmannaeyjar: ÍBV – Stjarnan, kl. 14 – sýndur á Stöð2sport.
KA-heimilið: KA/Þór – HK, kl. 16 – sýndur á KAtv.
Varmá: Afturelding – Fram, kl.16 – sýndur á Aftureldingtv.

Stöðu og næstu leiki í Olísdeild kvenna má sjá hér.


Olísdeild karla:
Set-höllin: Selfoss – ÍBV, kl. 16 – sýndur á Selfosstv.
Framhús: Fram – FH, kl. 18.30 – sýndur á Stöð2sport.

Stöðu og næstu leiki í Olísdeild karla má sjá hér.


Grill66-deild karla:
Ásvellir: Haukar U – Þór Ak, kl. 16.

Stöðu og næstu leiki í Grill66-deild karla má sjá hér.

- Auglýsing -

Nýjustu fréttir

- Auglýsing -