Leikmenn Haukar taka móti Valsmönnum á Ásvöllum í kvöld. Mynd/Eyjólfur Garðarsson

Sannkallaður stórleikur verður á dagskrá Olísdeildar karla í handknattleik í kvöld á Ásvöllum í Hafnarfirði. Þá mætast tvö efstu lið deildarinnar, Haukar og Valur. Um er að ræða viðureign sem er hluti af 10. umferð sem fram fer um aðra helgi þegar Haukar standa í ströngu í Evrópubikarkeppninni.


Haukar og Valur hafa ekki leitt saman hesta sína á Ásvöllum í meistaraflokki karla síðan lið félaganna mættust í úrslitaleikjum Olísdeildarinnar í júní þar sem Valsmenn höfðu betur.


Haukar eru efstir í Olísdeildinni með 13 stig að loknum átta leikjum. Valur er næstur á eftir með 11 stig og á leik til góða. Viðureign Vals, sem fram átti að fara fram á síðasta sunnudag, var frestað. Í ljósi stöðunnar má e.t.v. segja að um svokallaðan fjögurra stiga leik sé að ræða á Ásvöllum í kvöld. Flautað verður til leiks klukkan 19.30.


Olísdeild karla:
Ásvellir: Haukar – Valur, kl. 19.30 – sýndur á Stöð2Sport.

Stöðuna og næstu leiki í Olísdeild karla má sjá hér.

- Auglýsing -

Nýjustu fréttir

- Auglýsing -