Dagskráin: Stórleikur í KA-heimilinu

Mariam Eradze, Elín Rósa Magnúsdóttir, Rut Arnfjörð Jónsdóttir og Aldís Ásta Heimisdóttir verða allar í eldlínunni í KA-heimilinu í dag. Mynd/Egill Bjarni Friðjónsson

Í dag er ekki einungis kosið til sveitastjórna á landinu og haldin söngvakeppni evrópskra sjónvarpsstöðva í kvöld. Einnig verður leikið til undanúrslita í Olísdeild kvenna. Sannkallaður stórleikur verður í KA-heimilinu klukkan 15 þegar Íslandsmeistarar KA/Þórs og bikarmeistarar Vals mætast í fjórða sinn.


Leikmenn KA/Þórs eru komnir með bakið upp að veggnum kalda eftir tvo tapleiki. Þeir verða að vinna á heimavelli í dag til þess að knýja fram oddaleik í Valsheimilinu á mánudaginn klukkan 18.


Takist Val að vinna er ljóst að liðið mætir Fram í úrslitum um Íslandsmeistaratitilinn. Fram hefur þegar lokið einvígi sínu við ÍBV og býr sig undir fyrsta úrslitaleikinn sem fram fer í Framhúsinu á föstudagskvöld, hvort sem andstæðingurinn verður KA/Þór eða Valur.


Búast má við að fjölmenni verði í KA-heimilinu. Kveikt verður snemma upp í grillinu fyrir utan KA-heimilið auk þess sem yngri flokkar KA verða í eldlínunni í úrslitaleikjum á undan og á eftir viðureign KA/Þórs og Vals í undanúrslitum.


Úrslit leikjanna þriggja í undanúrslitum:
Valur – KA/Þór 28:27.
KA/Þór – Valur 26:23.
Valur – KA/Þór 27:24.


Undanúrslit Olísdeildar kvenna, fjórða viðureign:
KA-heimilið: KA/Þór – Valur, kl. 15 – sýndur á Stöð2sport.

- Auglýsing -

Nýjustu fréttir

- Auglýsing -