Dagskráin: Sumarfrí eða fleiri leikir – baráttan hefst í umspilinu

Anna Karen Hansdóttir og samherjar í Stjörnunni geta tryggt sér sæti í undanúrslitum úrslitakeppni Olísdeildar kvenna í dag. Mynd/Hafliði Breiðfjörð

Áfram heldur úrslitakeppni Olísdeildar kvenna í handknattleik í dag. ÍBV sækir Stjörnuna heim í TM-höllina í Garðabæ klukkan 16. Stjarnan vann öruggan sex marka sigur í fyrsta leiknum í Vestmannaeyjum á fimmtudaginn, 28:22, og endurtaki hún leikinn á heimavelli í dag tekur liðið sæti í undaúrslitum.



Liðsmenn ÍBV eru strax komnir með bakið upp að vegg og þurfa á sigri að halda til að krækja í oddaleik í Vestmannaeyjum á þriðjudaginn. Annars blasir sumarleyfi við leikmönnum ÍBV.


Í dag verður leikinn fyrsti úrslitaleikurinn um sæti í Olísdeild karla á næsta keppnistímabili. ÍR og Fjölnir mætast í íþróttahúsinu Austurbergi í Breiðholti. Flautað verður til leiks klukkan 16. Bæði lið unnu andstæðinga sína með tveimur vinningum í undanúrslitum. Vinna þarf þrjá leiki í þessari rimmu. Verðlaunin fyrir þrjá sigra er sæti í Olísdeild karla á næsta keppnistímabili.


Svo merkilega vill til að leikir dagsins hefjast á sama tíma.


Olísdeild kvenna, úrslitakeppni, 1. umferð, 2. leikur:
TM-höllin: Stjarnan – ÍBV, kl. 16 (1:0) – sýndur á Stöð2sport.

Leikjadagskrá 1. umferð er að finna hér.


Umspil Olísdeildar karla, fyrsti úrslitaleikur:
Austurberg: ÍR – Fjölnir, kl. 16 – sýndur á ÍRtv.

Leikjadagskrá umspilsins er að finna hér.

- Auglýsing -

Nýjustu fréttir

- Auglýsing -