Það verður nóg um að vera í Grill66-deildunum í handknattleik í kvöld. Tvö af þremur efstu liðum Grill66-deildar kvenna, ÍR og FH, verða í eldlínunni. FH, sem er í þriðja sæti aðeins þremur stigum á eftir Selfossi sem er efst fær ungmennalið Vals í heimsókn í Krikann.
Á sama tíma sækir ÍR-liðið, sem situr í öðru sæti, lið Gróttu heim. Takist ÍR að vinna jafnar liðið metin við Selfoss á nýjan leik. Selfoss og ÍR berjast hart um efsta sæti deildarinnar. FH-inga liggja í leyni í þriðja sæti, tilbúnir að grípa tækifækið á efsta sætinu ef liði fyrir ofan misstíga sig.
Leikmenn Harðar á Ísafirði sækja ungmennalið Hauka heim á Ásvelli í kvöld í Grill66-deild karla. Harðarmenn eru í kapphlaupi við ÍR-inga um efsta sætið. ÍR er fjórum stigum á undan eftir nauman sigur á ungmennaliði Vals í gærkvöld.
Leikir kvöldsins
Grill66-deild kvenna:
Kaplakriki: FH – Valur U, kl. 19.30.
Hertzhöllin: Grótta – ÍR, kl. 19.30 – sýndur á Gróttatv.
Stöðu og næstu leiki í Grill66-deild kvenna má sjá hér.
Grill66-deild karla:
Varmá: Afturelding U – Þór Ak., kl. 20.
Víkin: Berserkir – Vængir Júpíters, kl. 20 – sýndur á Víkingurtv.
Ásvellir: Haukar U – Hörður, kl. 20.
Stöðu og næstu leiki í Grill66-deild karla má sjá hér.
