Styrmir Sigurðarson og félagar í Víkingi náðu að vinna Fjölni í kvöld. Mynd/Finnbogi Sigur Marínósson

Tveir leikir verða á dagskrá á Íslandsmótinu í handknattleik í kvöld. Báðir þeirra verða í Grill 66-deild karla. Annar þeirra er sannkallaður toppslagur þegar Víkingur, sem trónir á toppi deildarinnar, sækir leikmenn Kríu heim í Hertzhöllina á Seltjarnarnesi klukkan 20.30. Kría situr í fjórða sæti, aðeins þremur stigum á eftir Víkingi.


Klukkan 20 eigast við ungmennalið Hauka og HK í Schenkehöllinni á Ásvöllum. HK þarf nauðsynlega á stigunum að halda til þess að vera áfram með í toppbaráttu og í keppni um sæti í Olísdeildinni á næstu leiktíð. Ungmennaliðin geta ekki unnið sér sæti í Olísdeildinni en þau geta sannarlega sett strik í reikning þeirra liða sem þangað stefna.

HK vann stórsigur á ungmennaliði Vals um síðustu helgi, 38:21.

Leikir kvöldsins – Grill 66-deild karla:
Schenkerhöllin: Haukar U – HK, kl. 20.00.
Hertzhöllin: Kría – Víkingur, kl. 20.30.

Stöðuna í Grill 66-deild karla og kvenna er hægt að sjá á nýrri úrslitasíðu sem var verið að setja upp á handbolti.is og má finn í valmyndinni á forsíðu vefjarins undir “staða og leikir”. Þar eru tveir kostir í boði, Olísdeildir eða Grill 66-deildir.

- Auglýsing -

Nýjustu fréttir

- Auglýsing -