Dagskráin: Undanúrslit hefjast á Akureyri og í Framhúsi

Hulda Bryndís Tryggvadóttir og samherjar hennar í deildarmeistaraliði KA/Þórs taka á móti ÍBV í dag í fyrsta leik undanúslita Olísdeildar kvenna. Mynd/Egill Bjarni Friðjónsson

Undanúrslit í keppni um Íslandsmeistaratitilinn í handknattleik kvenna hefst í dag með tveimur leikjum. Deildarmeistarar KA/Þórs taka á móti ÍBV klukkan 13.30 í KA-heimilinu og klukkan 15 mætast Fram og Valur í Framhúsinu. Vinna þarf tvo leiki í undanúrslitum til þess að komast í úrslitaleikina um Íslandsmeistaratitilinn.

Hálfur mánuður eru síðan KA/Þór og Fram léku síðast, þá úrslitaleik um deildarmeistaratitilinn. ÍBV og Valur léku í 1. umferð úrslitakeppninnar og lögðu Stjörnuna og Hauka á sannfærandi hátt í tveimur leikjum. Vika er liðin frá því að ÍBV og Valur komust áfram í undanúrslit.


Vegna þess að ekki var flugfært til Ísafjarðar í gær varð ekkert úr annarri viðureign Harðar og Víkings í undanúrslitum umspilsins um sæti í Olísdeild karla á næstu leiktíð. Vonir standa til að betur viðri í dag til ferðalaga þannig að Víkingar og dómarar komist á vestur í Skutulsfjörð. Alltént stendur til að flauta til leiks á Torfnesi klukkan 18. Víkingur vann fyrsta leikinn eftir tvær framlengingar, 40:34, og mun með sigri í kvöld tryggja sér sæti í úrslitum umspilsins. Vinni Harðarmenn kemur til oddaleiks í Víkinni á þriðjudagskvöld.


Olísdeild kvenna – undanúrslit, 1. umferð:
KA-heimilið: KA/Þór – ÍBV, kl. 13.30 – sýndur á Stöð2Sport.
Framhús: Fram – Valur, kl. 15 – sýndur á Stöð2Sport.
Undanúrslit umspils Olísdeildar karla, 2. umferð:
Torfnes: Hörður – Víkingur, kl. 18 – sýndur á youtube rás Viðburðastofu Vestfjarða.

- Auglýsing -

Nýjustu fréttir

- Auglýsing -