Í kvöld verður flautað til fyrri leikjanna í undanúrslitum Íslandsmótsins í handknattleik, Olísdeildar karla. ÍBV tekur á móti Val klukkan 18 í Eyjum og tveimur stundum síðar leiða Stjarnan og Haukar saman hesta sína í TM-höllinni í Garðabæ. Síðari viðureignir undanúrslita fara fram á föstudaginn þegar leikið verður í Origohöllinni á Hlíðarenda og í Schenkerhöllinni á Ásvöllum. Verði markatalan jöfn eftir leikina, t.d. á næsta föstudag fer það lið áfram sem skorar fleiri mörk á útivelli.
Samanlögð úrslit ráða hvaða lið fara áfram og leika til úrslita um Íslandsmeistaratitilinn sem til stendur að fari fram þriðjudaginn 15. júní og föstudaginn 18. júni.
Leikir kvöldsins, Olísdeild karla, undanúrslit, fyrri leikir:
Vestmannaeyjar: ÍBV – Valur, kl. 18 – sýndur á Stöð 2 Sport.
TM-höllin: Stjarnan – Haukar, kl. 20 – sýndur á Stöð 2 Sport.
