Dagskráin: Uppgjör um deildarmeistaratitilinn í Safamýri

Kristrún Steinþórsdóttir, Framari, og Ásdís Guðmundsdóttir, leikmaður KA/Þórs verða í eldlínunni í úrslitaleik Olísdeildarinnar í dag. Mynd/Egill Bjarni Friðjónsson

Lokaumferð Olísdeildar kvenna fer fram í dag. Allra augu beinast að uppgjöri tveggja efstu liðanna, KA/Þórs og Fram, sem fram fer í Framhúsinu og hefst klukkan 13.30. Liðin eru jöfn að stigum fyrir lokaumferðina, með 20 stig hvort. KA/Þór stendur betur að vígi fyrir leikinn eftir að hafa unnið heimaleik sinn í KA-heimilinu 30. janúar með fjögurra marka mun, 27:23. Þau úrslit vigta hinsvegar ekki í dag nema að liðin skilji jöfn.


KA/Þór hefur aldrei orðið deildarmeistari í efstu deild kvenna. Eins ótrúlega og það kann að virðast þá hefur Fram aðeins einu sinni unnið deildarmeistaratitilinn og það átti sér stað fyrir ári þegar liðið var lang efst í Olísdeildinn þegar keppni var slaufað.


Röðin á liðunum frá þriðja sæti og niður í sjötta gæti breyst eftir leiki dagsins enda munar ekki nema tveimur stigum á Val í þriðja sæti og Haukum sem sitja í sjötta sæti. Liðin sem lenda í þriðja til sjötta sæti taka þátt í fyrstu umferð úrslitakeppninnar en KA/Þór og Fram sitja yfir.
HK leikur við Fjölni-Fylki í undanúrslitum umspils um sæti í Olísdeildinni. FH er fyrir nokkru fallið í Grill 66-deildina.


Olísdeild kvenna – lokaumferð:
Framhús: Fram – KA/Þór, kl. 13.30 – sýndur á Stöð2sport
Vestmannaeyjar: ÍBV – FH, kl. 13.30 – sýndur á ÍBVtv.
Schenkerhöllin: Haukar – Stjarnan, kl. 13.30 – sýndur á Haukartv.
Origohöllin: Valur – HK, kl. 13.30 – sýndur á Valurtv.
Staðan:

Grill 66-deild karla:
Framhús: Fram U – Haukar U, kl. 16.
Staðan í Grill 66-deild karla – tvær umferðir eftir:

- Auglýsing -

Nýjustu fréttir

- Auglýsing -