Mynd/ÍBV

Í byrjun vikunnar gengu forráðamenn ÍBV frá samningi við örvhentu dönsku skyttuna Jonathan Werdelin um að leika með liðinu á komandi leiktíð. Werdelin, sem er 21 árs gamall, kemur úr herbúðum danska liðsins TMS Ringsted. Hann er þegar kominn til Vestmannaeyja og hefur tekið til við æfingar með liði ÍBV.
Werdelin er ætlað að fylla í skarð Kristjáns Arnar Kristjánssonar sem gekk til liðs við PAUC í Frakklandi í sumar.
Áður hafði ÍBV samið við aðra unga örvhenta skyttu, Ásgeir Snæ Vignisson og hefur hann leikið með Eyjamönnum í æfingaleikjum upp á síðkastið. ÍBV er þar með tvo unga örvhenta leikmenn í skyttustöðunni hægra megin. Verður fróðlegt að sjá hvernig Werdelin og Ásgeir Snær mótast í höndum Erlings Richardssonar og Kristins Guðmundssonar, þjálfara bikarmeistara ÍBV.

- Auglýsing -

Nýjustu fréttir

- Auglýsing -