Daníel Freyr skoraði tvisvar – Bjarni fagnaði sigri

Daníel Freyr Andrésson markvörðurog félagar í Guif unnu öruggan sigur á útivelli í kvöld. Mynd/Eskilstuna Guif

Íslenskir handknattleiksmenn voru í sigurliðum í sænsku úrvalsdeildinni í handknattleik í kvöld þegar tvö liðanna unnu leiki sína örugglega í fimmtu umferð deildarinnar.


Daníel Freyr Andrésson, markvörður, skoraði tvö mörk og varði 10 skot, 32% hlutfallsmarkvarsla, þegar lið hans Guif frá Eskilstuna vann Önnereds, 33:26, á útivelli eftir að hafa verið fimm mörkum yfir í hálfleik, 18:13. Aron Dagur Pálsson kom ekkert við sögu í liði Guif sem er í fimmta sæti með sex stig í fimm viðureignum.

Bjarni Ófeigur Valdimarsson t.v. í leik með Skövde. Mynd/Aðsend


Bjarni Ófeigur Valdimarsson lék vel að vanda fyrir IFK Skövde í öruggum sigri á heimavelli gegn liðsmönnum IFK Ystad HK, 31:24. Bjarni skoraði þrjú mörk í sex skotum, átta eina stoðsendingu og var auk þess einu sinni vísað af leikvelli í tvær mínútur fyrir að vera of harður í horn að taka.
IFK Skövde er þar með komið með fjögur stig eftir fimm leiki.

- Auglýsing -

Nýjustu fréttir

- Auglýsing -