- Auglýsing -
Daníel Þór Ingason hefur verið kallaður inn í íslenska landsliðið í handknattleik sem tekur þátt í Evrópumeistaramótinu sem hefst í næstu viku. Daníel Þór kemur í staðinn fyrir Svein Jóhannsson sem meiddist á hné á æfingu landsliðsins í gær.
Meiðsli Sveins eru það alvarleg að hann þarf því miður að draga sig út úr hópnum, eftir því sem fram kemur í tilkynningu frá Handknattleikssambandi Íslands.
Daníel Þór leikur með Balingen-Weilsetten í Þýskalandi. Hann á að baki 34 landsleiki og tók hann síðast þátt í landsleikjum í vor sem leið. Daníel hefur reynslu af þátttöku á stórmótum því hann var í HM-hópnum í Þýskalandi fyrir þremur árum.
- Auglýsing -
