Darri Aronsson, Haukum, í skotstöðu í kappleik. Mynd/Egill Bjarni Friðjónsson

Darri Aronsson leikmaður Hauka hefur verið kallaður inn í íslenska landsliðið í handknattleik sem er við æfingar hér á landi í þessari viku. HSÍ greindi frá þessu í morgun og mætir Darri á sína fyrstu æfingu með landsliðinu sem fram fer í Víkinni skömmu fyrir hádegið.


Darri hefur ekki áður verið valinn til æfinga með A-landsliðinu. Hann fetar þar með í fótspor foreldra sinna, Arons Kristjánssonar og Huldu Bjarnadóttur, sem bæði léku með íslenska landsliðinu á sínum tíma auk þess sem Aron var landsliðsþjálfari karla frá 2012 til 2016.

Darri er þriðji nýliðinn í hópnum. Hinir eru Elvar Ásgeirsson og Einar Þorsteinn Ólafsson.

- Auglýsing -

Nýjustu fréttir

- Auglýsing -