- Auglýsing -

Dauft yfir Daníel Frey og samherjum í Partille

Lið Guif leiktíðina 2020/2021. Daníel Freyr Andrésson er í miðri neðstu röðinni í peysu númer 16. Mynd/Guif

Daníel Freyr Andrésson, markvörður, og samherjar hans í Guif riðu ekki feitum hesti frá heimsókn sinni til Sävehof í kvöld í sænsku úrvalsdeildinni í handknattleik en leikurinn fór fram í Partille. Sóknarmenn Guif-liðsins virtust miður sín. Þeim tókst aðeins að skora 16 mörk í leiknum og slíkt er ekki uppskrift að sigri í handknattleik í dag. Enda fór svo að liðið tapaði með níu marka mun, 25:16, eftir að hafa verið sex mörkum undir að loknum fyrri hálfleik, 14:8.

Sóknarmenn Guif stóðu ráðþrota gegn Bertram Obling, markverði Sävehof, sem varði 19 skot í markinu sem gerði 59% hlutfallsmarkvörslu.

Daníel Freyr náði sér ekki á strik í marki Guif að þessu sinni. Hann varði aðeins tvö skot þann hluta leiksins sem hann fékk að spreyta sig.

Guif situr í 9. sæti deildarinnar af 15 liðum með 10 stig að loknum 13 leikjum. Sävehof færðist upp í sjötta sæti með sigrinum.

- Auglýsing -
- Auglýsing -

Nýjustu fréttir

- Auglýsing -