Dómaranefnd IHF í uppnámi – einræði sagt ríkja

Dómaranefnd Alþjóða handknattleikssambandsins er vart til nema að nafninu til um þessar mundir eftir að fjórir af fimm nefndarmönnum hafa sagt sig frá störfum. Snemma í síðustu viku hætti formaðurinn, Ramon Gallego. Í kjölfarið hætti Tono Huelin og um helgina fetuðu Javier Moure Fernandez og Francois Garcia í fótspor Gallego og Huelin.

Allir eru þeir afar ósáttir við afskipti hins umdeilda forseta IHF, Hassan Moustafa, af störfum dómaranefndarinnar og breytingum sem forsetinn vill knýja í gegn um niðurröðun dómara á stórmót og kappleiki þeim tengdum.


„Eftir 21 árs forsetatíð Moustafa ríkir hreint einræði innan IHF þar sem ekki nokkur maður þorir að láta í ljós skoðanir sínar af ótta við að vera kastað út í dýpstu myrkur,“ segir Fernandez sem er fyrrverandi alþjóða dómari en hefur undanfarin á verið eftirlitsmaður á stórmótum.

- Auglýsing -

Nýjustu fréttir

- Auglýsing -