Dómarar æfa af krafti með undanþágu frá ráðherra

Kristján Halldórsson leggur dómurum lífsreglurnar við upphaf æfingar í Víkinni í gærkvöld. Mynd/HSÍ

Það var líf og fjör í Víkinni í gærkvöld þar sem handknattleiksdómarar voru við æfingar. Dómarar fengu undanþágu frá heilbrigðisráðuneytinu í lok desember og munu æfa saman þangað til þeir mega flauta að nýju til leiks á Íslandsmótinu.

Eftirlitsmaðurinn góðkunni Kristján Halldórsson stýrir æfingunum en hann hefur mikla reynslu af þjálfun og starfar í dag sem kennari í íþróttafræðum við Háskólann í Reykjavík. Það er gott að vita til þess að bæði liðin og dómararnir undirbúi sig af kappi, vonandi fer keppni af stað sem allra fyrst.

Íslenskir dómarar eru ekki aðeins við æfingar þessa dagana. Jónas Elíasson og Anton Gylfi Pálsson verða með flautur sína og árvökul augu sín á viðureign Hollendinga og Slóvena í Almeri í Hollandi í kvöld þegar lið þjóðanna mætast í undankeppni EM2022 í karlaflokki.

- Auglýsing -

Nýjustu fréttir

- Auglýsing -