Kristján Örn Kristjánsson, Donni. Mynd /PAUC

Kristján Örn Kristjánsson, Donni, var næst markahæstur hjá PAUC í kvöld þegar liðið vann Istres, 30:28, á útivelli í frönsku 1. deildinni í handknattleik. Donni skoraði sex mörk í 10 skotum og virðist óðum vera að nálgast sitt fyrra form sem hann var í lengst af á síðasta keppnistímabili áður en kórónuveiran tók upp á því að herja á piltinn.


Matthieu Ong og Gabriel Loesch voru markahæstir hjá PAUC með sjö mörk hvor en þeir skoruð sitt hvort markið úr vítaköstum.


Nantes tapaði fyrir Limoges á heimavelli, 29:27, og situr þar með áfram í sjötta sæti, tveimur stigum á eftir PAUC sem er komið upp í þriðja sæti með sjö stig eftir fimm leiki. Nimes og PSG eru efst í deildinni með átta stig hvort lið eftir fjórar umferðir. St Raphaël í fjórða sæti með sjö stig og Chambéry er með sex stig en hefur lokið fjórum leikjum.


Ólafur Andrés Guðmundsson og samherjar í Montpellier er í sjöunda sæti með fimm stig eftir fjórar viðureignir. Montpellier mætir Cesson Rennes á sunnudaginn.


Nýliðar Saran unnu óvæntan sigur á St Raphaël í kvöld, 28:25. Var þetta fyrsti sigur Saran-liðsins færðist þar með upp að hlið hinna nýliðanna, Nancy sem Elvar Ásgeirsson leikur með. Elvar og félagar sækja Creteil heim á sunnudaginn.

- Auglýsing -

Nýjustu fréttir

- Auglýsing -