- Auglýsing -
Kristján Örn Kristjánsson, Donni, var besti maður PAUC þegar lið hans steinlá fyrir stórliði PSG á heimavelli í kvöld, 35:24, í frönsku 1. deildinni í handknattleik. Donni var markahæstur leikmanna PAUC með sex mörk í 13 skotum. Ekkert markanna skoraði hann úr vítakasti.
PSG var með sjö marka forskot að loknum fyrri hálfleik, 17:10. PSG er lang efst í deildinni með 16 stig að loknum átta leikjum. Nantes og PAUC eru næst með 11 stig hvort og St Raphaël, Chambéry og Cesseon Rennes eru næst með 10 stig hvert.
Adama Keita var markahæstur hjá PSG með átta mörk. Daninn Mikkel Hansen var næstur með fjögur mörk.
- Auglýsing -
