Draumur Moustafa rætist – klísturslaus bolti tilbúinn

harpix Mynd/J.L.Long

Draumur forseta Alþjóða handknattleikssambandsins, Hassan Moustafa, um handbolta sem hægt er að nota án klísturs eða harpix rætist í sumar. Boltaframleiðandinn Molten og IHF segja að lausnin liggi á borðinu. Boltinn, sem er mikið undraverk, verður notaður í fyrsta sinn á heimsmeistaramóti kvenna, skipað leikmönnum 18 ára yngri, sem fram fer í Georgíu í sumar.


Hátt í áratugur er liðin síðan Moustafa lýsti yfir andúð sinni á klístrinu og sagðist vilja að þróaður yrði bolti sem hægt væri að nota án þessa efnis sem hefur verið mörgum til ama. Út með harpixið, sagði Moustafa en margir brostu í kampinn. Síðan hefur Alþjóða handknattleikssambandið, IHF, lagt talsverða fjármuni í þróun boltans í samvinnu við Molten sem nú telur sig hafa leyst þrautina. Boltinn hefur fengið heitið Molten d60 PRO.

Yfirborð og efni boltans er slíkum ólíkindum að klístur mun heyra sögunni til í handknattleik innan skamms enda með öllu óþarft eftir að boltinn verður komin í almenna notkun.


Til stóð að þróun hins klístursfría bolta væri lokið 2020 og hann notaður á heimsmeistaramótum ungmenna þá um sumarið. Ekkert var af því vegna þess að mótin voru felld niður vegna kórónuveirunnar.


Klístrið eða harpixið er og hefur verið þyrnir í augum fleiri en Moustafa. Í gegnum tíðina hefur starfsfólk íþróttahúsa víða um heim haft af því ama og erfiði auk þjálfara og íþróttfólks annarra íþróttagreina. Einnig er ekki auðvelt að hreinsa efnið úr keppnisbúningum.


Hér er hægt að lesa nánar um boltann góða.

- Auglýsing -

Nýjustu fréttir

- Auglýsing -