Dregið verður til undanúrslita í dag

Mynd/Múmmi Lú

Dregið verður til undanúrslita í Coca Cola-bikarkeppni kvenna og karla klukkan 13 í dag á skrifstofu Handknattleikssambands Íslands.


Drættinum verður streymt. Handbolti.is fylgist með framvindunni og greinir frá niðurstöðum.


Undanúrslitaleikirnir fara fram á Ásvöllum eins og í keppninni á síðasta ári. Leikið verður til undanúrslita í kvennaflokki miðvikudaginn 9. mars en daginn eftir í karlaflokki. Úrslitaleikirnir verða háðir á Ásvöllum laugardaginn 12. mars.


Í undanúrslitum kvenna eru: Fram, ÍBV, KA/Þór og Valur.
Í undanúrslitum í karlaflokki eru: KA, Selfoss, Valur (FH, Hörður, Þór Ak.).


Leikur Harðar og FH í 16-liða úrslitum karla hefur ekki farið fram ennþá. Vonir standa til að hann verði leiddur til lykta á morgun á Ísafirði. Sigurliðið úr þeirri viðureign mætir Þór Akureyri í átta liða úrslitum sem væntanlega fer fram í næstu viku.

- Auglýsing -

Nýjustu fréttir

- Auglýsing -