Dragan Brljevic, nýr þjálfari færeyska kvennalandsliðsins í handknattleik. Mynd/Handknattleikssamband Færeyja

Eftir nokkra leit hefur Handknattleikssamband Færeyja fundið eftirmann Ágústs Þórs Jóhannssonar í starf landsliðsþjálfara kvenna. Ágúst Þór hætti á vormánuðum eftir tveggja ára uppbyggingarstarf.

Dragan Brljevic hefur verið ráðinn í starfið. Hann er og verður áfram þjálfari karla,- og kvennaliðs Kyndils í Þórshöfn en bætir landsliðsþjálfarastarfinu við. Samningur hans við færeyska handknattleikssambandið gildir fram á mitt ár 2022.

Brljevic, sem er 56 ára gamall Króati, flutti til Færeyja á fyrri hluta ársins þegar hann var ráðinn til Kyndils. Hann var nærri áratug þjálfari kvennaliðs Lugi en var látinn taka pokann sinn undir lok síðasta árs. Brljevic var valinn þjálfari ársins úrvalsdeild kvenna í Svíþjóð 2013 og 2017.

Fyrsta verkefni Brljevic með færeyska landsliðið verður forkeppni HM sem stendur til að fari fram 4. og 5. desember í Minsk í Hvíta-Rússlandi. Færeyska liðið er í riðli með Hvíta-Rússlandi og Sviss.

- Auglýsing -

Nýjustu fréttir

Selfossliðið styrkist

Kvennaliði Selfoss í Grill 66-deildinni hefur borist liðsstyrkur fyrir átökin sem hefjast þegar heimilt verður að keppa á ný á Íslandsmótinu í...

Viltu vera með?

Frá og með deginum í dag geta lesendur handbolta.is greitt fast mánaðarlegt framlag til að efla starfsemi hans. Hægt er að greiða...

KA/Þór fékk ítalskt lið

KA/Þór leikur við ítalska liðið Jomi Salerno í 3. umferð Evrópubikarkeppninnar í handknattleik kvenna en dregið var í morgun. Jomi Salerno var...
- Auglýsing -