Ólafur Andrés Guðmundsson, fyrirliði IFK Kristianstad. Mynd/IFK Kristianstad - Mentor Selaci Fotograf, Studio11

„Ég er alls ekki á heimleið,“ sagði Ólafur Andrés Guðmundsson, leikmaður IFK Kristianstad og landsliðsmaður í handknattleik þegar handbolti.is spurði hann út í þrálátan orðróm sem gengið hefur síðustu vikur um að hann væri að flytja heim eftir áratug í atvinnumennsku í Svíþjóð og Þýskalandi. Ekki aðeins hefur Ólafur Andrés verið orðaður við félagslið heima á Íslandi heldur einnig við flutning til Frakklands. Allt er þetta úr lausu lofti gripið.


Ólafur Andrés segir ekkert hæft í þessum orðróm sem hann skilur ekkert í hvaðan sé kominn. Orðrómurinn hefur borist Ólafi til eyrna og kom honum ekki á óvart þegar handbolti.is bar hann upp.


„Ég á eitt ár eftir af samningi mínum hjá IFK Kristianstad í Svíþjóð og þar að auki á besta aldri. Til viðbótar tel ég mig eiga ennþá nóg eftir hér úti,“ sagði Ólafur Andrés skýrt og skorinort í samtali við handbolta.is í gær.

- Auglýsing -

Nýjustu fréttir

- Auglýsing -