Landsliðskonan Ásdís Guðmundsdóttir er að renna út af samningi hjá Íslandsmeisturum KA/Þórs. Mynd/Egill Bjarni Friðjónsson

Einn leikmaður liðs nýkrýndra Íslandsmeistara KA/Þórs í handknattleik, Ásdís Guðmundsdóttir landsliðskona, er með lausan samning nú í lok keppnistímabilsins. Ásdís sagði við handbolta.is í dag að hún reikni ekki með öðru en að leika áfram með KA/Þór á næsta keppnistímabili.

Ásdís ætlar að láta rykið setjast eftir sigurinn á Íslandsmótinu en KA/Þór vann Íslandsmeistaratitilinn í fyrsta sinn á sunnudag þegar liðið lagði Val öðru sinni í úrslitum. Síðan hefur verið í mörg horn að líta.


Að öllu óbreyttu sagðist Ásdís ekki eiga von á öðru en að semja á ný við KA/Þór enda sé hún hlekkur í besta kvennaliði landsins um þessar mundir. Hinu sé ekki að leyna að sig langi til að prófa að komast í atvinnumennsku utan landsteinanna þegar fram líði stundir.

- Auglýsing -

Nýjustu fréttir

- Auglýsing -