Einar Þorsteinn hefur samið við Fredericia

Valsarainn Einar Þorsteinn Ólafsson flytur til Danmerkur í sumar. Mynd/Egill Bjarni Friðjónsson

Einar Þorsteinn Ólafsson leikmaður Vals gengur til lið við danska úrvalsdeildarliðið Fredericia Håndboldklub í sumar. Félagið skýrði frá því fyrir hádegið að samkomulag til tveggja ára sé frágengið.


Einar Þorsteinn vakti mikla athygli í úrslitakeppninni fyrir ári og hefur síðan fest sig í sessi sem einn af traustari varnarmönnum Íslands, – bikar,- og deildarmeistara Vals sem standa í ströngu þessa dagana í undanúrslitum Olísdeildar.


Guðmundur Þórður Guðmundsson landsliðsþjálfari karla tekur við þjálfun Fredericia Håndboldklub í sumar og stefnir á mikla uppbyggingu á komandi árum.


Fredericia Håndboldklub hafnaði í sjötta sæti dönsku úrvalsdeildarinnar á dögunum og rekur um þessar mundir lestina í öðrum af tveimur riðlum í úrslitakeppni um danska meistaratitilinn.

- Auglýsing -

Nýjustu fréttir

- Auglýsing -