- Auglýsing -

Eins og það slokknaði á Podravka

Slóvenska landsliðskonan Ana Gros kann vel við sig í herbúðum Krim Ljubljana. Mynd/EPA

Það var einn leikur á dagskrá í Meistaradeild kvenna í kvöld þar sem að liðin Podravka og Brest áttust við í Króatíu. Þau áttust einnig við á laugardaginn en þá var um að ræða heimaleik Podravka en leikurinn í dag taldist vera heimaleikur Brest. Ástæða þess að þessir leikir eru spilaðir báðir í Króatíu er sú að forráðarmönnum félaganna þótti skynsamlegra að spila báða leikina í sama landinu í stað þess að leikmenn væru að ferðast á milli landa. 

Podravka liðið byrjaði þennan leik af krafti og eftir ellefu mínútna leik voru þær með eins marks forystu 4-3. Þá var eins og það slökknaði á króatíska liðinu og leikmenn Brest tóku öll völd á vellinum og náðu mest í átta marka forystu 20-12 og fóru svo að lokum með sigur af hólmi 32-25.

Með þessum sigri komst Brest upp að hlið Györ á toppi riðilsins með 12 stig en eru þó búnar að spila einum leik meira en þær ungvesku. Þetta var hins vegar fimmti tapleikur í röð hjá Podravka á þessari leiktíð.

Brest 32-25 Podravka (15-12)
Markaskorarar Brest: Kalidiatou Niakate 6, Alicia Toublanc 6, Ana Gros 5, Isabelle Gullden 4, Coralie Lassource 3, Pauline Coatanea 3, Djurdjina Jaukovic 2, Pauletta Foppa 2, Sladjana Pop-Lazic 1.
Varin skot: Cleopatre Darleux 12, Agathe Quiniou 1.
Markaskorarar Podravka: Dejana Milosavljevic 11, Dijana Mugosa 4, Dragica Dzono 2, Ana Turk 2, Lamprini Tsakalou 2, Moniky Bancilon 1, Nikolina Zadravec 1, Aneja Beganovic 1, Selena Milosevic 1.
Varin skot: Yuliya Dumanska 11.

- Auglýsing -
- Auglýsing -

Nýjustu fréttir

- Auglýsing -