Nýkrýndir deildarmeistarar í Olísdeildinni, KA/Þór, hafa oft haft ástæðu til að fagna á síðustu mánuðum. Mynd/Egill Bjarni Friðjónsson

KA/Þór vann stórsigur á FH, 34:17, í Olísdeild kvenna í handknattleik í dag en leikið var i KA-heimilinu. Þar með hefur KA/Þór 16 stig í efsta sæti deildarinnar eftir 10 leiki. FH rekur lestina án stiga.


Eins og við mátti búast þá var mikill munur á liðunum að þessu sinni enda eru þau hvort á sínum enda á stöðutöflu Olísdeildarinnar. Eftir stundarfjórðungsleik var munurinn orðinn sjö mörk, 10:3. Það hallaði frekar undan fæti hjá Hafnfirðingum áður en fyrri hálfleikur var úti. Fjórtán marka munur var að loknum fyrri hálfleik, 19:5.


Sami munur var á liðunum í síðari hálfleik. Hreinlega var um einstefnu að ræða af hálfu KA/Þórs sem vann öruggan sigur og leikurinn gjörólíkur þeim sem liðin buðu upp á í fyrri umferðinni í lok september. KA/Þór vann þá viðureign með tveggja marka mun, 21:19.


Mörk KA/Þórs: Ásdís Guðmundsdóttir 7/1, Hulda Bryndís Tryggvadóttir 7, Sólveig Lára Kristjánsdóttir 6, Rakel Sara Elvarsdóttir 4/2, Rut Arnfjörð Jónsdóttir 4, Aldís Ásta Heimisdóttir 3, Kristín A. Jóhannsdóttir 2, Arna Valgerður Erlingsdóttir 1.
Varin skot: Matea Lonac 15, 53,6 % – Ólöf Maren Bjarnsdóttir 4 – 50%.

Mörk FH: Ragnheiður Tómasdóttir 6, Aníta Theodórsdóttir 3, Fanney Þór Þórsdóttir 2/2, Arndís Sara Þórsdóttir 1, Britney Cots 1, Hildur Guðjónsdóttir 1, Aþena Arna Ágústsdóttir 1, Emma Havin Sardarsdóttir 1, Emilía Ósk Steinarsdóttir 1.
Varin skot: Írena Björk Ómarsdóttir 5, 25% – Hrafnhildur Anna Þorleifsdóttir 2, 9,5%.

Öll tölfræði leiksins hjá HBStatz.

Staðan í Olísdeild kvenna.

- Auglýsing -

Nýjustu fréttir

- Auglýsing -