Stefán Arnarson, þjálfari Fram, fer yfir málin með leikmönnum sínum. Mynd/Egill Bjarni Friðjónsson

Fram vann stórsigur á FH í næst síðustu umferð Olísdeildar kvenna í handknattleik í Kaplakrika í dag, 35:20, og deilir þar með efsta sætinu með KA/Þór fyrir lokaumferðina á laugardaginn. Toppliðin mætast einmitt í lokaumferðinni þar sem deildarmeistartitillinn verður í húfi auk heimaleikjaréttar í úrslitakeppninni sem tekur við en Fram og KA/Þór sitja yfir í fyrstu umferð þar sem sex lið taka þátt í úrslitakeppninni að þessu sinni.

Staðan í Olísdeild kvenna.

Fram-liðið var með yfirburði í leiknum frá upphafi til enda. Leiðir liðanna skildi strax og munaði 10 mörk í hállfeik, 17:7. Eftirleikurinn var auðveldur fyrir Fram í síðari hálfleik.


Þórey Rósa Stefánsdóttir mætti til leiks í dag í fyrsta sinn á keppnistímabilinu en hún fæddi sitt annað barn seint á síðasta ári. Þórey var markahæst í Fram-liðinu í dag enda fékk hún úr nægu að moða. Skarð er hinsvegar fyrir skildi í fjarveru Steinunnar Björnsdóttur sem sleit krossband fyrir rúmlega mánuði og gekkst undir aðgerð af þeim sökum á dögunum.


Mörk FH: Sylvía Björt Blöndal 5, Ragnheiður Tómasdóttir 3, Fanney Þóra Þórsdóttir 2, Aníta Theodórsdóttir 2, Andrea Valdimarsdóttir 2, Emma Havin Sardardóttir 1, Sigrún Jóhannsdóttir 1, Aþena Arna Ágútsdóttir 1, Arndís Sara Þórsdótir 1, Emeilía Ósk Steinarsdóttir 1, Britney Cots 1.
Varin skot: Hrafnhildur Anna Þorleifsdóttir 6, 17,6% – Írena Björk Ómarsdóttir 1, 12,5%.
Mörk Fram: Þórey Rósa Stefánsdóttir 7, Lena Margrét Valdimarsdóttir 6, Ragnheiður Júlíusdóttir 6, Jónína Hlín Hansdóttir 5, Stella Sigurðardóttir 3, Daðey Ásta Hálfdánsdóttir 2, Unnur Ómarsdóttir 1, Svala Júlía Gunnarsdóttir 1, Guðrún Erla Bjarnadóttir 1, Hildur Þorgeirsdóttir 1, Karen Knútsdóttir 1, Erna Guðlaug Gunnarsdóttir 1.
Varin skot: Sara Sif Helgadóttir 9, 56,3% – Katrín Ósk Magnúsdóttir 2, 13,3%.

Öll tölfræði leiksins hjá HBStatz.

- Auglýsing -

Nýjustu fréttir

- Auglýsing -