Ekkert hik á Selfyssingum

Selfossliðið heldur áfram að fylgja toppliðum Grill66-deildar kvenna í handknattleik eins og skugginn. Ekkert hik var á leikmönnum Selfoss í kvöld þegar þeir tóku á móti Víkingi sem hefur verið á góðu róli í deildinni í vetur. Selfoss leyfði Víkingum aldrei finna smjörþefinn aðf stigi eða stigum að þessu sinni heldur tók yfirhöndina strax í upphafi og gaf aldrei eftir.


Þegar Ellen Karlsdóttir og Hekla Daðadóttir flautuðu til leiksloka var Selfoss með átta marka forskot, 29:21. Níu mörkum munaði á liðunum að loknum fyrri hálfleik, 16:7.

Selfoss er nú með 11 stig eftir átta leiki auk þess að vera með tapleik fyrir dómstól HSÍ eins og handbolti.is greindi frá á dögunum. ÍR er einnig með 11 stig en FH situr á toppnum 12 stig eftir átta leiki eins og Selfoss. ÍR á hinsvegar leik til góða. Hlekkur á stöðuna í Grill66-deild kvenna er fyrir neðan markaskorarana.


Mörk Selfoss: Tinna Sigurrós Traustadóttir 7, Roberta Stropus 6, Elín Krista Sigurðardóttir 5, Rakel Guðjónsdóttir 3, Elínborg Katla Þorbjörnsdóttir 3, Tinna Soffía Traustadóttir 2, Rakel Hlynsdóttir 1, Inga Sól Björnsdóttir 1, Kristín Una Hólmarsdóttir 1.


Mörk Víkings: Ester Inga Ögmundsdóttir 6, Helga Lúðvíka Hallgrímsdóttir 4, Auður Brynja Sölvadóttir 3, Arna Þyrí Ólafsdóttir 3, Kara Rún Árnadóttir 3, Elín Helga Lárusdóttir 2.


Stöðuna og næstu leiki Grill66-deild kvenna má sjá hér.

- Auglýsing -

Nýjustu fréttir

- Auglýsing -